A REVOLUCIÓN INDUSTRIAL

A partir do século XVIII iníciase en Europa un proceso de cambio económico chamado a revolución industrial. Este cambio producirá a desaparición da sociedade tradicional baseada no rural e controlada pola nobreza e a aparición da sociedade moderna, baseada na industria e no control doutra clase social, a burguesía. É a orixe da nosa sociedade actual.

Non só foi un cambio económico senón que provocou a transformación da vida dunha época: clases sociais, demografía, mentalidade, costumes...

O inicio da industrialización. encóntrase na Inglaterra de mediados do século XVIII, onde por vez primeira se empezan a utilizar novas fontes de enerxía e novas máquinas que producen unha gran mellora na produtividade industrial.